هعرفكم ان شاء الله دلوقتي في خطوات واضحة وصريحة ودقيقة تعملوا إيه علشان تخسوا وتنتقلوا من مرحلة القلبظة والوسامة للوسامة بس ♡

_هتوزن نفسك بأخف قدر ممكن من الهدوم وتحدد الرقم

_هترجع تبص في المراية وتبص علي الاماكن اللي فيها دهون ظاهرة من غير زعل

_هتحاول تحدد الوزن اللي انت عاوز توصله وتكون راضي عنه ولو معجبكش نقدر نغيره بعدين...طبعا مفيش حاجة اسمها وزن مثالي..فيه مدي واسع حبة

من الأوزان الممتازة جداً

_هتحسب الفرق بين وزنك الحالي والوزن اللي عاوز توصله وتحدد فترة زمنية مناسبة توصله فيها...احنا بننصح بانك تحاول تنزل نص كيلو كل اسبوع...ممكن تزودها لو انت مقلبظ خالص لكن لو مقلبظ نص نص متستعجلش براحتك

نيجي بقي للجزء المهم بوفتيكة وهو الأكل ولاحظ اني قولت بوفتيكة لأنها من البروتينات ودي الحاجة اللي هنركز عليها في أكلنا

_أول أسبوع هنخلي وجباتنا كلها فيها بروتين كفاية انه يخلينا مستريحين ولا جعانين جامد ولا شبعانين جامد(خضار بروتيني.لحمة.فراخ.سمك.بيض.مكسرات) وهنقلل جدا جدا من الكربوهيدرات(عيش.رز.مكرونة.نجرسكو.بسبوسة.كنافة نابلسي أو مش نابلسي.فواكه محلية)

_هنقيس وزننا بعدها بأسبوع علي نفس الميزان لو وزننا نزل بالمعدل اللي احنا محددينه مبروك..ولو نزل بأكتر من كده مبروكين..هنكمل علي كده علطول ان شاء الله لحد ما نوصل للوزن اللي احنا عاوزينه..ولو لقينا لسة فيه دهون زيادة يبقي نخسها بردو :') وأوعي تغير الdiet الجميل دا أبدا بقي

_لو وزننا فضل زي ما هو هنختار وجبة من الوجبات ونحوش تلت البروتين اللي فيها ونقيس بعدها بأسبوع لو منزلناش بالمعدل اللي اتفقنا عليه نختار وجبة تانية ونحوش تلت البروتين اللي فيها وهكذا لحد ما نوصل للمعدل اللي عاوزينه ونثبت علي كده

كام trick كده

-الرياضة هتساعدك تخس أسرع وهتخليك قوي ووسيم زيي كدا بس مش لازم علشان تخس

_الكالسيوم هيساعدك في انك تخس جدا

_البنات وبسبب التغيرات في الهرمونات عندهم هتلاقيهم ماشيين علي ال diet كويس بس جسمهم بيحتفظ بماية كتير فتلاقي ممكن وزنهم يزيد لكن لو استمروا علي ال diet هيوصلوا للنتيجة اللي عاوزنها ان شاء الله

بسخلاص سلام:")